मुंबईकरांना दर्जेदार आरोग्य सेवा मिळवून देण्यासाठी आणि पालिकेच्या आरोग्य यंत्रणेचा कायापालट करण्यासाठी आम्ही कटिबद्ध आहोत!
माझ्या विनंतीनुसार, सह्याद्री अतिथीगृहात बीएमसीच्या आरोग्य विभागाची सद्यस्थिती आणि आधुनिकीकरणावर एक उच्चस्तरीय बैठक मुंबई उपनगरचे पालकमंत्री मा. श्री. आशिष शेलार जी यांच्या मार्गदर्शनाखाली आणि सहपालकमंत्री मा. श्री. मंगलप्रभात लोढा जी यांची प्रमुख उपस्थितीत पार पडली.
या बैठकीत मी मुंबईकरांच्या आरोग्याशी निगडित अत्यंत महत्त्वाच्या मागण्या पालिका प्रशासनाकडे लावून धरल्या, ज्यामध्ये डायलिसिस सुविधांचा विस्तार करणे, शहरव्यापी ‘मधुमेहमुक्त मुंबई’ अभियान सुरू करणे, प्रत्येक हॉस्पिटल बेडसाठीच्या बजेटमध्ये भरीव वाढ करणे, नवीन मानसिक आरोग्य केंद्रे स्थापन करणे आणि प्रस्तावित कर्करोग उपचार खाटा (Cancer Beds) वेळेवर कार्यान्वित करणे यांचा समावेश आहे.
बीएमसी सध्या सुमारे १४,००० खाटा चालवते आणि आगामी काळात ५,००० नव्या खाटा उपलब्ध होणार आहेत. यासाठी आवश्यक डॉक्टर, परिचारिका व इतर स्टाफचे योग्य नियोजन करण्यासाठी पालिकेने आतापासूनच मनुष्यबळ आराखडा तयार करावा, अशी मागणी मी केली. तसेच, रुग्णालयात येणाऱ्या नागरिकांना अधिक सहानुभूतीपूर्ण आणि सन्मानपूर्वक वागणूक मिळावी यासाठी ओपीडी डॉक्टर, परिचारिका आणि सुरक्षा कर्मचाऱ्यांचे संवेदनशीलता प्रशिक्षण घेण्याचेही आवाहन केले.
तसेच या बैठकीत आमदार श्री. योगेश सागर जी, आमदार श्रीमती मनीषा चौधरी ताई, आमदार श्रीमती विद्या ठाकूर ताई, आमदार श्री. कॅप्टन तमिळ सेल्वन जी, आमदार श्री. संजय उपाध्याय जी, मुंबईच्या महापौर श्रीमती रितू तावडे जी, पालिका आयुक्त श्रीमती अश्विनी भिडे जी, मनपा स्थायी समिती अध्यक्ष श्री. प्रभाकर शिंदे जी, सभागृह नेते श्री. गणेश खणकर जी, सार्वजनिक आरोग्य समिती अध्यक्ष श्री. हरीश भांदीर्गे जी यांच्यासह आणि मुंबईतील भाजपचे इतर सर्व सन्माननीय आमदार उपस्थित होते. यासोबतच अतिरिक्त महानगरपालिका आयुक्त (पश्चिम उपनगरे) डॉ. विपिन शर्मा जी, सह पोलिस आयुक्त (कायदा आणि सुव्यवस्था) डॉ. मनोज कुमार शर्मा जी, उपायुक्त (सार्वजनिक आरोग्य) श्री. शरद उघडे जी, संचालक (वैद्यकीय शिक्षण आणि प्रमुख रुग्णालये) डॉ. शैलेश मोहिते जी, कार्यकारी आरोग्य अधिकारी डॉ. दक्षा शाह जी, प्रमुख वैद्यकीय अधीक्षक डॉ. चंद्रकांत पवार जी यांच्यासह केईएम हॉस्पिटलचे अधिष्ठाता डॉ. हरीश पाठक जी, प्रमुख शासकीय रुग्णालयांचे अधिष्ठाता आणि पोलीस अधिकारी देखील बैठकीला उपस्थित होते.
मुंबईकरांना सर्वोत्तम वैद्यकीय सेवा देण्यासाठी आमचे प्रयत्न सातत्याने सुरू राहतील.
Leave a Comment