आज महामानव डॉ. बाबासाहेब आंबेडकर यांच्या जयंतीनिमित्त बौद्ध सांस्कृतिक मंडळ, डी. एन. नगर, अंधेरी (पश्चिम) यांच्या वतीने आयोजित कार्यक्रमात मला ‘अंधेरी भूषण पुरस्कार’ देऊन सन्मानित करण्यात आले.
हा सन्मान माझ्यासाठी केवळ एक पुरस्कार नसून, माझ्या कार्याची आणि अंधेरीसाठी केलेल्या योगदानाची जाणीवपूर्वक घेतलेली दखल आहे. डॉ. बाबासाहेब आंबेडकर यांनी दाखवलेला लोककल्याणाचा मार्ग, सामाजिक न्याय व समतेचा विचार – याच प्रेरणेने मी समाजकार्य करत आलो आहे.
हा पुरस्कार माझ्यावरची जबाबदारी अधिक वाढवणारा आहे. अंधेरीच्या सर्वांगीण विकासासाठी, सर्व समाजघटकांसाठी आणि विशेषतः वंचित व दुर्बल घटकांसाठी काम करत राहण्याची प्रेरणा मला या गौरवातून मिळाली आहे.
बौद्ध सांस्कृतिक मंडळाचे मनःपूर्वक आभार मानतो, तसेच मला हा सन्मान देणाऱ्या सर्व सदस्यांचे व या कार्यक्रमाला उपस्थित असलेल्या मान्यवरांचे मनापासून आभार.
जय भीम
जय भारत
Leave a Comment